OPINIÓN ARTICULOS
Polítiques de muyer
03.10.07 -
DICEN que'l ser humanu ye un animal de costumes. También dicen, esto van permitime que lo ponga más en dulda, que suel ser muy humanu l'inclín a entrugase por el por qué de los sos vezos. Aplicao esto mesmo a lo que se suel llamar 'polítiques de muyer' o 'polítiques d'igualdá', non está de más que nos parásemos a reflexionar sobre'l contenido de dichos títulos. Lo primero con lo que vamos a topar ye que en too programa políticu que se precie non va faltar el correspondiente apartau dedicau «al tema de la muyer». Si damos un pasu más y, fixámonos en los conteníos que dempués se apliquen dende los respectivos gobiernos municipales, podemos alcontrar de too: dende actividades de «costura», hasta «xuegos de parchís», «meriendes», «cafés tertulia», etcétera.
La primera reflexión que ún pue facer ante esti panorama ye la siguiente: cola mesma sida, ¿por qué non se faen polítiques pa homes? ¿Xustifica este tipo d'actividades una conceyalía específica col so correspondiente presupuestu? Personalmente opino que non lo xustifica, ya que la mayoría d'eses actividades pueden enmarcase dentro de la estaya de cultura, pues suelen tener una temática d'ociu y, además, non deberíen caltener ningún tipu de torga de xéneru porque podríen caer en una contradicción colos supuestos oxetivos que se persiguen (la non discriminación por xéneru).
Además, por lo que se refier al nuesu caso, el de los paisanos, necistaríamos como'l xintar este tipu d'actividades, ya que podríen ser una bona oportunidá pa deprender a relacionanos y a comunicanos al marxen de los tradicionales temes deportivos (fomentu de la comunicación empática y «todes eses coses de muyeres»). Creo que les llamaes 'polítiques de muyer' deberíen asentase, pa tener sentido y ser coherentes, sobre una serie de principios que, nel nuesu casu, non seríen otros que los derechos humanos, dende los cuales afitaríase la xera pa algamar una serie d'oxetivos, como sería, por poner un exemplu, la desaparición de la violencia machista. Entós, sí que marcaría la pena enfotase en un proyeutu d'estes característiques.
Concretamente, creo qu'este tipo de polítiques tendríen que tar dixebraes en dos niveles: el primeru podríemos llamálu de «reflexión y creación», que tendría un carácter más bien teóricu y que s'esmoleciría por algamar como oxetivu la búsqueda de un nuevu tipu de 'xéneru' tanto pal home como pa la muyer (a lo meyor carentes de fronteres entre sí y polo tantu tendente a la bayura y la mestura) nel que poder afitar unes relaciones sociales y personales munchu más democrátiques.
Pa este primer nivel sería pernecesariu implicar en dicha búsqueda a la sociedá en xeneral, ya que ye ella mesma la destinataria de tal operación y polo tanto debería asumir el so protagonismu. D'esta xera y, d'esti modo, y ya puestos a ello, evitaríamos eses dicotomíes de corte esquizoide tan propies de la nuesa dómina, en donde, per un llau, vemos un nivel de reivindicación altu a favor de la causa de la muyer discriminada y, per otru llau, mantiénense intactos los tradicionales esterotipos machistes, bien de vegaes potenciaos polos llamaos 'medios masa'. En cuanto al segundo nivel, éste sería más prácticu y polo tanto tendría un carácter transversal que afectaría a too tipu de polítiques que abarcasen les estayes de vivienda, empleu, cultura, etcétera, colo que permitiría ir visualizando en la práctica lo 'cocinao' en la teoría.
En definitiva y, pa ir finando, soy partidariu de baltiar etiquetes que non faen más que enmazcarar un inmovilismu social y cultural a favor de una ideoloxía machista vixente, que como tal, non dexa d'estar revestida de sofisticación y modernidá (ehí esté too esi mundu de la moda y de les modelos, como paradigma de millones de muyeres, por non citar «el mundu rosa» o la 'epidemia' de la ciruxía estética y, pola parte que-y corresponde al home, ehí tan les tan admirades y deseades «tabletes de chocolate», la tendencia enfermiza a la competición o la visión de la sexualidá como una práctica cinexética entre otres). En resumen, que, como se suel decir, «non ye oru too lo que reluz» y esto oblíganos a non baxar la guardia, ya que toda inxusticia enraigónase sobre unos privilexios, en este casu machistes, que fairán too lo posible por caltener la so vixencia y la so 'naturalidá'.
La primera reflexión que ún pue facer ante esti panorama ye la siguiente: cola mesma sida, ¿por qué non se faen polítiques pa homes? ¿Xustifica este tipo d'actividades una conceyalía específica col so correspondiente presupuestu? Personalmente opino que non lo xustifica, ya que la mayoría d'eses actividades pueden enmarcase dentro de la estaya de cultura, pues suelen tener una temática d'ociu y, además, non deberíen caltener ningún tipu de torga de xéneru porque podríen caer en una contradicción colos supuestos oxetivos que se persiguen (la non discriminación por xéneru).
Además, por lo que se refier al nuesu caso, el de los paisanos, necistaríamos como'l xintar este tipu d'actividades, ya que podríen ser una bona oportunidá pa deprender a relacionanos y a comunicanos al marxen de los tradicionales temes deportivos (fomentu de la comunicación empática y «todes eses coses de muyeres»). Creo que les llamaes 'polítiques de muyer' deberíen asentase, pa tener sentido y ser coherentes, sobre una serie de principios que, nel nuesu casu, non seríen otros que los derechos humanos, dende los cuales afitaríase la xera pa algamar una serie d'oxetivos, como sería, por poner un exemplu, la desaparición de la violencia machista. Entós, sí que marcaría la pena enfotase en un proyeutu d'estes característiques.
Concretamente, creo qu'este tipo de polítiques tendríen que tar dixebraes en dos niveles: el primeru podríemos llamálu de «reflexión y creación», que tendría un carácter más bien teóricu y que s'esmoleciría por algamar como oxetivu la búsqueda de un nuevu tipu de 'xéneru' tanto pal home como pa la muyer (a lo meyor carentes de fronteres entre sí y polo tantu tendente a la bayura y la mestura) nel que poder afitar unes relaciones sociales y personales munchu más democrátiques.
Pa este primer nivel sería pernecesariu implicar en dicha búsqueda a la sociedá en xeneral, ya que ye ella mesma la destinataria de tal operación y polo tanto debería asumir el so protagonismu. D'esta xera y, d'esti modo, y ya puestos a ello, evitaríamos eses dicotomíes de corte esquizoide tan propies de la nuesa dómina, en donde, per un llau, vemos un nivel de reivindicación altu a favor de la causa de la muyer discriminada y, per otru llau, mantiénense intactos los tradicionales esterotipos machistes, bien de vegaes potenciaos polos llamaos 'medios masa'. En cuanto al segundo nivel, éste sería más prácticu y polo tanto tendría un carácter transversal que afectaría a too tipu de polítiques que abarcasen les estayes de vivienda, empleu, cultura, etcétera, colo que permitiría ir visualizando en la práctica lo 'cocinao' en la teoría.
En definitiva y, pa ir finando, soy partidariu de baltiar etiquetes que non faen más que enmazcarar un inmovilismu social y cultural a favor de una ideoloxía machista vixente, que como tal, non dexa d'estar revestida de sofisticación y modernidá (ehí esté too esi mundu de la moda y de les modelos, como paradigma de millones de muyeres, por non citar «el mundu rosa» o la 'epidemia' de la ciruxía estética y, pola parte que-y corresponde al home, ehí tan les tan admirades y deseades «tabletes de chocolate», la tendencia enfermiza a la competición o la visión de la sexualidá como una práctica cinexética entre otres). En resumen, que, como se suel decir, «non ye oru too lo que reluz» y esto oblíganos a non baxar la guardia, ya que toda inxusticia enraigónase sobre unos privilexios, en este casu machistes, que fairán too lo posible por caltener la so vixencia y la so 'naturalidá'.
