L'ABRAZU DE SATURNU
Un xuguete, una illusión
13.11.07 -
Sigo estos díes polos medios la campaña que la Fundación 'Crecer jugando' y Rne fain, como n'otros años, pa repartir xuguetes a los nenos y nenes ensin recursos d'esa inmensa parte del mundu marcada pola desigualdá y la probeza. Nada más guapo y gratificante que lleva-yos una illusión con forma de xuguete, nada más lloable que cualquier campaña que tea dirixida a los más indefensos ente los desfavorecíos. La sorrisa d'eses críes, d'esos críos que nunca nun tuvieren nada, paga la pena cualquier esfuerzu y una nun pue más que tar agradecida a la xente que col so trabayu y dedicación lo fain posible. Pero cuála ye la mio sorpresa al ver repetidamente nes imaxes televisives de la entrega masiva de los xuguetes y na crónica comentada, un repartu inequívocu de camiones pa los nenos y muñeques pa les nenes. Amás, por casualidá, esos mesmos díes siento nuna entrevista na radio cómo ún de los responsables de la campaña comenta lo importante que son los xuguetes como instrumentos de socialización na infancia.
¿Y tantu! Nun ye nada nuevu que los xuguetes sirven, ente otres coses maravioses, pa «socializar», esto ye, pa construyir modelos de comportamientu, pa interaccionar col mundu y cómo non, pa repartir roles y asignar papeles. Más p'allá de los análisis, cualquiera que tenga fíos y fíes sabe de sobres cuántu cuesta lluchar contra una industria y una publicidá marcada por unos fuertes contenidos sexistes y cadaquien, con mayor o menor aciertu, fai na so casa lo que puede. Agora bien, creo yo que en tratándose de campañes avalaes poles instituciones, podía ponese un pocoñín más de curiáu.
Quien tenga viaxao pelos pueblos indíxenas o simplemente probes de países como Guatemala, El Salvador, Honduras o cualquier d'esos onde se ta desarrollando la campaña, tuvo que ver munches veces a eses nenes qu'agora reciben una muñeca, acarretando al llombu a los sos hermanos y hermanes más chicos. Y eso namás pa empezar, porque podíemos seguir con cien exemplos más. Yá sé qu'un regalu ye un regalu y un xuguete ye un xuguete más p'allá de la so significación simbólica, pero nun me parez que lo qu'eses nenes necesiten precisamente ye la confirmación de la so condición y del so destín de subordinación. Creo que nun ta de sobres llamar l'atención sobre ello. Y más agora que s'acerquen les Navidaes.
¿Y tantu! Nun ye nada nuevu que los xuguetes sirven, ente otres coses maravioses, pa «socializar», esto ye, pa construyir modelos de comportamientu, pa interaccionar col mundu y cómo non, pa repartir roles y asignar papeles. Más p'allá de los análisis, cualquiera que tenga fíos y fíes sabe de sobres cuántu cuesta lluchar contra una industria y una publicidá marcada por unos fuertes contenidos sexistes y cadaquien, con mayor o menor aciertu, fai na so casa lo que puede. Agora bien, creo yo que en tratándose de campañes avalaes poles instituciones, podía ponese un pocoñín más de curiáu.
Quien tenga viaxao pelos pueblos indíxenas o simplemente probes de países como Guatemala, El Salvador, Honduras o cualquier d'esos onde se ta desarrollando la campaña, tuvo que ver munches veces a eses nenes qu'agora reciben una muñeca, acarretando al llombu a los sos hermanos y hermanes más chicos. Y eso namás pa empezar, porque podíemos seguir con cien exemplos más. Yá sé qu'un regalu ye un regalu y un xuguete ye un xuguete más p'allá de la so significación simbólica, pero nun me parez que lo qu'eses nenes necesiten precisamente ye la confirmación de la so condición y del so destín de subordinación. Creo que nun ta de sobres llamar l'atención sobre ello. Y más agora que s'acerquen les Navidaes.
