MARI LUZ PONTÓN, ESCRITORA
«La mitoloxía ye una auténtica ayalga que nun podemos perder»
«Los neños son llectores mui agradecíos y sinceros; dícente si-yos gusta o non el llibru que tienen ente les manes»
01.04.08 -
ESCRITORA. Mari Luz Pontón ye una asturianista polifacética. / MARIO ROJAS
La escritora mierense Mari Luz Pontón ye una de les autores asturianes con más títulos empobinaos a los neños. Na so trayectoria atopamos hestories rellacionaes cola mitoloxía asturiana. Acaba asoleyar cola editorial Pintar-Pintar el llibru 'Trasgu', con ilustraciones d'Ánxelu González y yá prepara un bon númberu de proyeutos. Exerce dende hai años como profesora y tamién ye presentadora de programes de radiu y televisión. Ye la guionista de 'La maldición', primer manga asturianu, qu'espublizó en collaboración cola ilustradora Ángela Fernández.
-El Trasgu ye un personaxe mitolóxicu revolvín, ¿qué tal se porta nel so llibru?
-Ye un personaxe que da munchu xuegu, especialmente con temes como la tolerancia pa los demás, porque él tamién ye diferente, polo del furacu na mano. Trátase d'un llibru pa neños pequeñinos, d'educación infantil, porque ye una edá que nun cunta con muncha producción editorial. La mitoloxía siempre presta munchu a los neños y presentándola cuasi como un xuegu, podemos averalos a valores universales como la tolerancia y el respetu. Amás tamién puen deprender les partes del cuerpu. El trasgu ye un personaxe col que s'identifiquen mui bien, ye un pocu como ellos.
-Nes sos obres pa los más pequeños atopamos davezu seres mitolóxicos
-Sé que ye un tema que-yos presta. Viven la mitoloxía porque representa maxa y creatividá. N'Asturies tenemos muncha bayura de mitos, pero los neños tovía nun los conocen bien, falten-yos conocimientos más fondos.
-¿Cuerren peligru de perdese?
-Enantes estes histories cuntábense en casa, pasaben de güelos a nietos, pero esto piérdese poco a poco. Creo que les escueles tienen qu'ayudar a que nun s'escaeza. A min ye un tema que me presta permunchu, ye una auténtica ayalga que nun podemos perder y qu'amás pue ser mui vendible incluso como atractivu turísticu. Tenemos que deprender de lo que faen n'otros países, por exemplu los anglosaxones, que llogren esparder eses histories tradicionales y faceles mui rentables.
-¿Son los neños bonos críticos de la lliteratura que se fai pa ellos?
-Son mui agradecíos y sinceros; dícente si-yos gusta o non el llibru que tienen ente les manes, sicasí ye necesario que se sepa que son bonos llectores si los llibros que-yos lleguen tán bien adautaos pa la so edá.
-¿Ye difícil lluchar escontra los fenómenos mediáticos y audiovisuales?
-Tamos afeutaos por tolo audiovisual y ye verdá qu'hai neños que van perdiendo l'interés pola llectura, polo que ye mui importante facer llibros y comics mui atractivos, de calidá, que los entretengan y colos que se sientan bien.
-Usté tamién fixo'l guión del primer manga n'asturianu, ¿cómo foi la esperiencia?
-Nun principiu'l manga nun me llamaba munchu l'atención pero pescancié qu'a los neños sí que-yos prestaba. Paecíame que yera una pena que n'asturianu nun hubiera nada y decidí facer el guión qu'ilustró Ángela Fernández. Averéme a la historia de les bruxes, porque creí que yera un bon momentu pa facer daqué con esta temática y cuntar la persecución que sufrieron históricamente delles muyeres por tener más conocimientu ya intentar ser llibres. Estes supuestes bruxes fueron persiguíes a lo llargo de munchu tiempu, por mieu o simplemente porque yera una manera rápida y eficaz de llibrase de daquién que yera diferente y punxera en peligru'l modelu de sociedá. Dambes tamos mui contentes col resultáu porque foi un llibru que gustó munchu. Yá tamos trabayando nuna segunda parte que podría salir nos próximos meses a la cai.
Optimismu
-¿Cómo ve'l futuru de la llingua asturiana?
-Soi optimista. Creo que tien futuru si los políticos y los mesmos asturianos queremos que-lu tenga. Ye daqué nueso, que tenemos que protexer, porque tien que ver con quién somos y a ónde vamos. L'impulsu políticu ye mui importante pa qu'esi elementu cultural y d'identidá nun se pierda. Tamos ante un camín difícil, y lentu, pero que tenemos que facer.
-¿Más asturianu nos medios de comunicación?
-Sí, los medios de comunicación tendríen que facer munchu más pola llingua asturiana. Paezme imposible que nun haya más programes na radio y la televisión tratando tou tipu de temes n'asturianu. Agora mesmo hai bonos espacios que, por ciertu, tienen muncha audiencia, pero échense de menos más conteníos que respuendan a esi interés de los asturianos.
-¿En qué proyeutos trabaya?
-Pronto saldrá en castellanu, cola editorial Bellaterra, un cuentu sobre una pega que nació blanca. Ye una noticia real que lleí y que me paeció guapa pa desendolcar una historia que podía ser atractiva pa los llectores. Tamién tengo en marcha otra historia protagonizada por otru trasgu, coles editoriales Madu y KRK, amás d'otros proyectos.
-El Trasgu ye un personaxe mitolóxicu revolvín, ¿qué tal se porta nel so llibru?
-Ye un personaxe que da munchu xuegu, especialmente con temes como la tolerancia pa los demás, porque él tamién ye diferente, polo del furacu na mano. Trátase d'un llibru pa neños pequeñinos, d'educación infantil, porque ye una edá que nun cunta con muncha producción editorial. La mitoloxía siempre presta munchu a los neños y presentándola cuasi como un xuegu, podemos averalos a valores universales como la tolerancia y el respetu. Amás tamién puen deprender les partes del cuerpu. El trasgu ye un personaxe col que s'identifiquen mui bien, ye un pocu como ellos.
-Nes sos obres pa los más pequeños atopamos davezu seres mitolóxicos
-Sé que ye un tema que-yos presta. Viven la mitoloxía porque representa maxa y creatividá. N'Asturies tenemos muncha bayura de mitos, pero los neños tovía nun los conocen bien, falten-yos conocimientos más fondos.
-¿Cuerren peligru de perdese?
-Enantes estes histories cuntábense en casa, pasaben de güelos a nietos, pero esto piérdese poco a poco. Creo que les escueles tienen qu'ayudar a que nun s'escaeza. A min ye un tema que me presta permunchu, ye una auténtica ayalga que nun podemos perder y qu'amás pue ser mui vendible incluso como atractivu turísticu. Tenemos que deprender de lo que faen n'otros países, por exemplu los anglosaxones, que llogren esparder eses histories tradicionales y faceles mui rentables.
-¿Son los neños bonos críticos de la lliteratura que se fai pa ellos?
-Son mui agradecíos y sinceros; dícente si-yos gusta o non el llibru que tienen ente les manes, sicasí ye necesario que se sepa que son bonos llectores si los llibros que-yos lleguen tán bien adautaos pa la so edá.
-¿Ye difícil lluchar escontra los fenómenos mediáticos y audiovisuales?
-Tamos afeutaos por tolo audiovisual y ye verdá qu'hai neños que van perdiendo l'interés pola llectura, polo que ye mui importante facer llibros y comics mui atractivos, de calidá, que los entretengan y colos que se sientan bien.
-Usté tamién fixo'l guión del primer manga n'asturianu, ¿cómo foi la esperiencia?
-Nun principiu'l manga nun me llamaba munchu l'atención pero pescancié qu'a los neños sí que-yos prestaba. Paecíame que yera una pena que n'asturianu nun hubiera nada y decidí facer el guión qu'ilustró Ángela Fernández. Averéme a la historia de les bruxes, porque creí que yera un bon momentu pa facer daqué con esta temática y cuntar la persecución que sufrieron históricamente delles muyeres por tener más conocimientu ya intentar ser llibres. Estes supuestes bruxes fueron persiguíes a lo llargo de munchu tiempu, por mieu o simplemente porque yera una manera rápida y eficaz de llibrase de daquién que yera diferente y punxera en peligru'l modelu de sociedá. Dambes tamos mui contentes col resultáu porque foi un llibru que gustó munchu. Yá tamos trabayando nuna segunda parte que podría salir nos próximos meses a la cai.
Optimismu
-¿Cómo ve'l futuru de la llingua asturiana?
-Soi optimista. Creo que tien futuru si los políticos y los mesmos asturianos queremos que-lu tenga. Ye daqué nueso, que tenemos que protexer, porque tien que ver con quién somos y a ónde vamos. L'impulsu políticu ye mui importante pa qu'esi elementu cultural y d'identidá nun se pierda. Tamos ante un camín difícil, y lentu, pero que tenemos que facer.
-¿Más asturianu nos medios de comunicación?
-Sí, los medios de comunicación tendríen que facer munchu más pola llingua asturiana. Paezme imposible que nun haya más programes na radio y la televisión tratando tou tipu de temes n'asturianu. Agora mesmo hai bonos espacios que, por ciertu, tienen muncha audiencia, pero échense de menos más conteníos que respuendan a esi interés de los asturianos.
-¿En qué proyeutos trabaya?
-Pronto saldrá en castellanu, cola editorial Bellaterra, un cuentu sobre una pega que nació blanca. Ye una noticia real que lleí y que me paeció guapa pa desendolcar una historia que podía ser atractiva pa los llectores. Tamién tengo en marcha otra historia protagonizada por otru trasgu, coles editoriales Madu y KRK, amás d'otros proyectos.
