LLUZ NEL AGUA
Corazón
01.04.08 -
PA empezar, necesitasti falar del pasáu pa pensar nel to futuru. Reconcilitate colos tos muertos pa enterrar del too'l dolor de la so ausencia. Sobrevivilos con cierta dignidá (¿sería arguyu?) pa plantear la to vida d'una manera opuesta. D'esta manera, alloñasti la traición del to resentimientu y los reproches que te facíen los sos güeyos de la vulnerabilidá de la to mirada. Y ello anque agora, en mitá de la catarsis, teas pensándolo y morriendo un poco más con ellos. Porque, ¿quién s'atrevió a acariciar la to sangre cuando arramaba ensin tener consuelu?, ¿Quién localizó la zanxa que s'abriere como un abismu en medio del to corazón? Entós nun lo pidisti y, sin embargo, el restu del mundu apartóse del to silenciu. Y aquelles palabres («duelte tanto, tanto la vida... oh, abandonada») empezaron a escribise nos pliegues de la to frente cada vez que la lluz de los díes qu'habríen de ser felices te fruncíen el ceñu nuevu cola so indiferencia seca.
Nesti mediu tiempu, dalguna vez tamién pensasti na to muerte emocional. ¿Pa qué finxisti frialdá si hasta la falta d'aire te facía dañu?, ¿Yera necesario mutilate si d'esa forma aumentabes el to sufrimientu? Callada, sólo suplicabes dexar yá de mancate. Olvidar les tos obsesiones, los tos mieos de neña mal curada, la soledá impuesta por tolos que s'apartaben del to corazón como si d'un músculu apestáu se tratare. Y nel discursu siempre ta'l to corazón: tan estúpidamente heredáu informe y, pesie a too, cumplíu como un legáu que dividió la to vida definitivamente y que compunxo los tos llatíos nuna dirección que nunca vas saber nunca si hubo de ser la correcta. Por él, perdisti parte de la to fala, negástite'l sueñu y tolos plurales oníricos colos que fantasiabes de cría. Por él, les tos llárimes invirtieron el so destín y absorviéronse hacia l'epicentru de les tos pupiles, llorándose de contino dientro del to desgarru.
Porque asina yes al final: estigma, ciliciu y escisión d'un cuerpu mayor que cola to estrema actitú desestructures irreversiblemente. Y too por esi corazón, tantes veces puestu a prueba y tantes veces victoriosu frente a la fatiga que cada descarga emocional posaba na so congoxa. El quirófanu que güei lu trata y lu cura son toles pequeñes decepciones coles que lu fustigues diariamente, cuando'l tiempu tamién t'apremia; más agora qu'escoyisti pasalu sola. Dende entós, pienses que, al final, lo único que cambió foi la to bendita inconsciencia, salvándote de la muerte qu'tros prefieren pasar en vida. Y too esto sentístilo sólo pa empezar.
Nesti mediu tiempu, dalguna vez tamién pensasti na to muerte emocional. ¿Pa qué finxisti frialdá si hasta la falta d'aire te facía dañu?, ¿Yera necesario mutilate si d'esa forma aumentabes el to sufrimientu? Callada, sólo suplicabes dexar yá de mancate. Olvidar les tos obsesiones, los tos mieos de neña mal curada, la soledá impuesta por tolos que s'apartaben del to corazón como si d'un músculu apestáu se tratare. Y nel discursu siempre ta'l to corazón: tan estúpidamente heredáu informe y, pesie a too, cumplíu como un legáu que dividió la to vida definitivamente y que compunxo los tos llatíos nuna dirección que nunca vas saber nunca si hubo de ser la correcta. Por él, perdisti parte de la to fala, negástite'l sueñu y tolos plurales oníricos colos que fantasiabes de cría. Por él, les tos llárimes invirtieron el so destín y absorviéronse hacia l'epicentru de les tos pupiles, llorándose de contino dientro del to desgarru.
Porque asina yes al final: estigma, ciliciu y escisión d'un cuerpu mayor que cola to estrema actitú desestructures irreversiblemente. Y too por esi corazón, tantes veces puestu a prueba y tantes veces victoriosu frente a la fatiga que cada descarga emocional posaba na so congoxa. El quirófanu que güei lu trata y lu cura son toles pequeñes decepciones coles que lu fustigues diariamente, cuando'l tiempu tamién t'apremia; más agora qu'escoyisti pasalu sola. Dende entós, pienses que, al final, lo único que cambió foi la to bendita inconsciencia, salvándote de la muerte qu'tros prefieren pasar en vida. Y too esto sentístilo sólo pa empezar.
