L'ABRAZU DE SATURNU
Igualdá
15.04.08 -
HAI momentos históricos que pasen un pocu desapercibíos, como si tuviéramos refalfiaos de repetir los mesmos xestos y yá nada consiguiera llamar la nuestra atención más p'allá de los dos segundos que los medios-yos dediquen. Pues bien, mientres escribo estes palabres, la nueva ministra d'Igualdá, Bibiana Aido, ta asumiendo per primer vez na historia del nuestru país el ministeriu tamién primerizu d'Igualdá. Ellí, arropándola y acompañándola taben una bona parte de les representantes d'asociaciones de muyeres y del movimientu feminista de dientro y fuera del gobiernu. Porque si por dalgo se caracteriza el meyor feminismo, ye precisamente pola so consciencia de qu'esta llucha, la batalla pola igualdá, ye cosa de toes y de toos. Eses muyeres que güei l'acompañaben, trallaes en mil batalles, taben ellí pa decir que siempre ye'l momentu de xuntar fuerces si l'obxetivu final ye algamar esi principui básicu y irrenunciable pa una plena ciudadanía en democracia, que ye la igualdá.
Crear un ministeriu pa velar pola igualdá, presente d'antiguo n'otres democracies europees, foi yá una recomendación de la Conferencia de Pekín y d'entós p'acá una reivindicación llargamente repetida por movimientu feminista. Resulta qu'agora tá equí, como una gran artefactu tovía ensin engrasar pero que, como pocu, abre una nueva vía d'actuación política y social. Un gran artefactu qu'esti gobiernu debería mimar, curiar y dotar d'un presupuestu económicu significativu si realmente la axenda de les muyeres sigue siendo una prioridá nesta nueva etapa qu'agora entama.
Nun ye ésti'l llugar nin el momentu p'estendeme na necesidá d'un ministeriu con esti nome pero cualquier escepticismu o reticencia al respectu choca de frente colos datos obxetivo: les cifres de les multiples formes de violencia contra les muyeres-incluyida, como non, la violencia de xéneru-y la constatación d'un fondu desequilibriu estructural na situación social y llaboral de les muyeres nesti país, serían dos motivos abondos pa sostener la so creación . Por eso, les palabres inciales de Bibiana Aido fueren nun sólo una propuesta de futuru, sinon tamién un reconocimientu al trabayu y l'esfuerzu de tantes y tantes muyeres que na nuestra historia más o menos cercana soñaron un mundu más xustu y igualitariu. Por elles, pola so xenerosidá, habíamos de llevantar güei les nuestres copes. Y qu'esti brinde nun caya nel olvidu.
Crear un ministeriu pa velar pola igualdá, presente d'antiguo n'otres democracies europees, foi yá una recomendación de la Conferencia de Pekín y d'entós p'acá una reivindicación llargamente repetida por movimientu feminista. Resulta qu'agora tá equí, como una gran artefactu tovía ensin engrasar pero que, como pocu, abre una nueva vía d'actuación política y social. Un gran artefactu qu'esti gobiernu debería mimar, curiar y dotar d'un presupuestu económicu significativu si realmente la axenda de les muyeres sigue siendo una prioridá nesta nueva etapa qu'agora entama.
Nun ye ésti'l llugar nin el momentu p'estendeme na necesidá d'un ministeriu con esti nome pero cualquier escepticismu o reticencia al respectu choca de frente colos datos obxetivo: les cifres de les multiples formes de violencia contra les muyeres-incluyida, como non, la violencia de xéneru-y la constatación d'un fondu desequilibriu estructural na situación social y llaboral de les muyeres nesti país, serían dos motivos abondos pa sostener la so creación . Por eso, les palabres inciales de Bibiana Aido fueren nun sólo una propuesta de futuru, sinon tamién un reconocimientu al trabayu y l'esfuerzu de tantes y tantes muyeres que na nuestra historia más o menos cercana soñaron un mundu más xustu y igualitariu. Por elles, pola so xenerosidá, habíamos de llevantar güei les nuestres copes. Y qu'esti brinde nun caya nel olvidu.
