NACIU VARILLAS ESCRITOR
«Nun me val el premiu na otra vida pa xustificar el sufrimientu nesta»
«Hai qu'escribir cuando se tien dalgo que dicir, como'l que pinta, el que compón música o'l que ye quien a esculpir, ye forma d'echar coses fuera»
15.04.08 -
ESCRITOR. Naciu Varillas asoleya'l so segundu llibru. / JUAN CARLOS ROMÁN
Naciu Varillas asoleya'l so segundu trabayu lliterariu. Depués del so estrenu con 'Carretera ensín barru' vuelve a les llibreríes con un llibru sobre la paciencia, el destín inciertu de los humanos y la inxusticia de la vida qu'ataca munches veces a aquellos que nun lo merecen. 'El camín de Dios' reflexona sobre lo poco que podemos decidir en munchos casos sobre los propios pasos que vamos dando pela caleya de la vida.
-Esta segunda novela, 'El camín de Dios', tien, ente otros, dos protagonistes principales, Dios y Satán. Ye una forma d'entamar fuerte
-Reconozo que ye una forma d'entamar que rescampla, que nun dexa indiferente. Precisamente por eso pue escandalizar, pero espero que tamién sirva pa enganchar dende'l principiu.
-¿Cree que, en realidá, namás que somos eso, elementos colos que xueguen y s'entretienen dioses, demonios o entes superiores?
-A mi prestaríame que l'home pudiera escoyer el so propiu destín, pero siempre hai coses que nun se controlen y qu'hai qu'achacar a daquién. Lo más fácil, na cultura cristiana, ye responsabilizar a Dios, a Satán... Lo mesmo que n'otres cultures se responsabiliza a otru dios, a la naturaleza o a fenómenos que nun conocemos, pero que suponemos más fuertes que nosotros. Ye una cuestión de debilidá, de damos cuenta de lo pequeñinos que somos.
-El protagonista de la novela, Boj, al que Dios pon como exemplu de devoción, recuérdanos un personaxe perconocíu...
-Ye que ye'l Santu Job. Hasta'l nome, Boj, ye Job al revés. La hestoria que quería contar yera la de Job, pero nun tiempu modernu. Y nun lo quería disimular, ¿pa qué? Poro, el llibru entama direutamente cola conversación ente Dios y Satán, que ye mui paecía a la que se recueye nesi pasax de la Biblia.
-Ye un llibru del que se puen sacar dellos mensaxes. ¿Cuál sería pa usté'l más importante?
-Cuando yera neñu entrugaba por qué había terremotos que mataben a cinco mil persones. ¿Cuántos d'estos yeren tan malos como pa merecer morrer d'esa manera? ¿Cuántos de los que quedaben vivos merecíen, de verdá, vivir? Pero, anque fuera un guah.e, nunca había una rempuesta que me convenciera. L'home ye un moñecu en manes d'un destín titiriteru, pero'l mio protagonista quier cortar les cuerdes de la marioneta.
-¿Cómo nació esta historia? ¿Alcuérdase d'ónde vieno la inspiración?
-Lo que me llevó a escribir 'El camín de Dios' fue una reflexón no que cinca al dolor del que nun lo merez, al sufrimientu que padez el xustu. Siempre se diz que'l tiempu da y quita razones, que'l malu acaba teniendo'l so castigu y el buenu'l so premiu, pero nun ye verdá. ¿Por qué sufre'l buenu? ¿Sirve como rempuesta eso de que «solo Dios lo sabe»? A mi nun me val el premiu na otra vida pa xustificar el sufrimientu nesta, dalgo que ye una de les bases de la filosofía cristiana. Nun me llevar flores a la tumba, traéimeles agora, que tovía toi vivu.
-¿Tien dalgún métodu propiu o especial a la hora d'escribir, d'encarar la fueya en blancu?
-Soi mui caóticu al escribir. Nun tengo técnica lliteraria dala, nin tampoco disciplina p'aplicalo: escribo cuando se m'apetez y cuando tengo tiempu. Hai veces que se cumple lo primero, que m'apetez, pero non lo segundo, que tenga tiempu. Entós procuro tomar una nota que munches veces nun sé ónde pongo y acabo perdiendo, pero qu'otres ayúdame a escribir.
-¿Castellanu o asturianu?, ¿En qué llingua tá más cómodu?
-Yo pienso, suaño, rellaciónome nel ámbitu personal n'asturianu. Sicasí, la mio vida profesional (soi periodista) desendólcase cuasi dafechu en castellán. De toles formes, una llingua nun quita la otra.
Exemplu de paciencia
-¿Nun cree que la xente qu'escribe n'asturianu ye tamién un exemplu de paciencia?
-Somos militantes de la paciencia, pero tamién hai munchos que nun sabríen vivir yá ensin militar. Prestaríame que d'una vez fuéramos quien a dar el siguiente pasu y que mos dexaran facelo. Hai que pasar yá de la reivindicación a la normalización, ún yá cansa de tener que se xustificar por llamase Naciu, cuando tol mundu ve normal, tamién n'Asturies, que te llames Gorka o Jordi.
-¿Cómo entamó la so afición pola escritura?
-Yo entamé escribiendo poemes cuando tenía 15 años y les moces que me gustaben nun miraben pa mi. ¿Vaya novedá! ¿eh? Depués dexelo munchu tiempu, y non porque eses moces miraben pa mi muncho más que primero. Creo qu'hai qu'escribir cuando se tien dalgo que dicir, como'l que pinta, el que compón música o'l que ye quien a esculpir, ye una forma d'echar fuera coses que te comen per dientro. Entamé a escribir más en serio habrá 10 años, presentándome a concursos de cuentos.
-La so anterior novela, 'Carretera ensin barru' tamién tuvo bona acoyida, ¿con cuál de los dos llibros se quedaría?
-Carretera ensin barru ye un llibru vomitáu fueya a fueya, más visceral, pero tamién más caóticu. El camín de Dios ye más maduru y, tamién inflúi que tien munches menos fueyes, meyor estructuráu. Caún forma parte d'un tiempu y d'un sentimientu que nun puedo, nin quiero, priorizar.
-¿En qué proyeutos trabaya agora?
-Llevo yá un par d'años con un llibru sobre la emigración asturiana a América nel sieglu XIX. Ye una novela histórica que me ta pidiendo un esfuerzu mui grande de documentación, pero que, pasu ente pasu, va saliendo p'alantre.
-Esta segunda novela, 'El camín de Dios', tien, ente otros, dos protagonistes principales, Dios y Satán. Ye una forma d'entamar fuerte
-Reconozo que ye una forma d'entamar que rescampla, que nun dexa indiferente. Precisamente por eso pue escandalizar, pero espero que tamién sirva pa enganchar dende'l principiu.
-¿Cree que, en realidá, namás que somos eso, elementos colos que xueguen y s'entretienen dioses, demonios o entes superiores?
-A mi prestaríame que l'home pudiera escoyer el so propiu destín, pero siempre hai coses que nun se controlen y qu'hai qu'achacar a daquién. Lo más fácil, na cultura cristiana, ye responsabilizar a Dios, a Satán... Lo mesmo que n'otres cultures se responsabiliza a otru dios, a la naturaleza o a fenómenos que nun conocemos, pero que suponemos más fuertes que nosotros. Ye una cuestión de debilidá, de damos cuenta de lo pequeñinos que somos.
-El protagonista de la novela, Boj, al que Dios pon como exemplu de devoción, recuérdanos un personaxe perconocíu...
-Ye que ye'l Santu Job. Hasta'l nome, Boj, ye Job al revés. La hestoria que quería contar yera la de Job, pero nun tiempu modernu. Y nun lo quería disimular, ¿pa qué? Poro, el llibru entama direutamente cola conversación ente Dios y Satán, que ye mui paecía a la que se recueye nesi pasax de la Biblia.
-Ye un llibru del que se puen sacar dellos mensaxes. ¿Cuál sería pa usté'l más importante?
-Cuando yera neñu entrugaba por qué había terremotos que mataben a cinco mil persones. ¿Cuántos d'estos yeren tan malos como pa merecer morrer d'esa manera? ¿Cuántos de los que quedaben vivos merecíen, de verdá, vivir? Pero, anque fuera un guah.e, nunca había una rempuesta que me convenciera. L'home ye un moñecu en manes d'un destín titiriteru, pero'l mio protagonista quier cortar les cuerdes de la marioneta.
-¿Cómo nació esta historia? ¿Alcuérdase d'ónde vieno la inspiración?
-Lo que me llevó a escribir 'El camín de Dios' fue una reflexón no que cinca al dolor del que nun lo merez, al sufrimientu que padez el xustu. Siempre se diz que'l tiempu da y quita razones, que'l malu acaba teniendo'l so castigu y el buenu'l so premiu, pero nun ye verdá. ¿Por qué sufre'l buenu? ¿Sirve como rempuesta eso de que «solo Dios lo sabe»? A mi nun me val el premiu na otra vida pa xustificar el sufrimientu nesta, dalgo que ye una de les bases de la filosofía cristiana. Nun me llevar flores a la tumba, traéimeles agora, que tovía toi vivu.
-¿Tien dalgún métodu propiu o especial a la hora d'escribir, d'encarar la fueya en blancu?
-Soi mui caóticu al escribir. Nun tengo técnica lliteraria dala, nin tampoco disciplina p'aplicalo: escribo cuando se m'apetez y cuando tengo tiempu. Hai veces que se cumple lo primero, que m'apetez, pero non lo segundo, que tenga tiempu. Entós procuro tomar una nota que munches veces nun sé ónde pongo y acabo perdiendo, pero qu'otres ayúdame a escribir.
-¿Castellanu o asturianu?, ¿En qué llingua tá más cómodu?
-Yo pienso, suaño, rellaciónome nel ámbitu personal n'asturianu. Sicasí, la mio vida profesional (soi periodista) desendólcase cuasi dafechu en castellán. De toles formes, una llingua nun quita la otra.
Exemplu de paciencia
-¿Nun cree que la xente qu'escribe n'asturianu ye tamién un exemplu de paciencia?
-Somos militantes de la paciencia, pero tamién hai munchos que nun sabríen vivir yá ensin militar. Prestaríame que d'una vez fuéramos quien a dar el siguiente pasu y que mos dexaran facelo. Hai que pasar yá de la reivindicación a la normalización, ún yá cansa de tener que se xustificar por llamase Naciu, cuando tol mundu ve normal, tamién n'Asturies, que te llames Gorka o Jordi.
-¿Cómo entamó la so afición pola escritura?
-Yo entamé escribiendo poemes cuando tenía 15 años y les moces que me gustaben nun miraben pa mi. ¿Vaya novedá! ¿eh? Depués dexelo munchu tiempu, y non porque eses moces miraben pa mi muncho más que primero. Creo qu'hai qu'escribir cuando se tien dalgo que dicir, como'l que pinta, el que compón música o'l que ye quien a esculpir, ye una forma d'echar fuera coses que te comen per dientro. Entamé a escribir más en serio habrá 10 años, presentándome a concursos de cuentos.
-La so anterior novela, 'Carretera ensin barru' tamién tuvo bona acoyida, ¿con cuál de los dos llibros se quedaría?
-Carretera ensin barru ye un llibru vomitáu fueya a fueya, más visceral, pero tamién más caóticu. El camín de Dios ye más maduru y, tamién inflúi que tien munches menos fueyes, meyor estructuráu. Caún forma parte d'un tiempu y d'un sentimientu que nun puedo, nin quiero, priorizar.
-¿En qué proyeutos trabaya agora?
-Llevo yá un par d'años con un llibru sobre la emigración asturiana a América nel sieglu XIX. Ye una novela histórica que me ta pidiendo un esfuerzu mui grande de documentación, pero que, pasu ente pasu, va saliendo p'alantre.
