L'ABRAZU DE SATURNU
Gracies
29.04.08 -
SI queremos falar de la prensa asturiana, cuento qu' hai tres publicaciones emblemátiques nel movimientu de recuperación y dignificación de la nuestra llingua. La primer d'elles ye la famosísima sección de 'Conceyu Bable' de la revista 'Asturias Semanal', de duración efímera pero d'indudable trescendencia pa los comienzos d'esti movimiento que dio los sos primeros pasos allá pelos años 70. Relacionada directamente col grupu que depués entamaría la constitución de l'Academia de la Llingua Asturiana, el calter fundacional d'estes primeres fueyes mediátiques n'asturianu ye de sobres conocíu y reconocíu.
La segunda que destaca por pesu y méritu propiu ye'l periódicu selmanal 'Les Noticies'. Pensáu y cuayáu como un proxectu ambiciosu d'un grupo d'escritores de la segunda promoción del Surdimientu, 'Les Noticies' constitui, en realidá, nun sólo un apueste firme y decidíu pola prensa n'asturianu sinon también el primer proxectu empresarial que plantega un mediu de comunicación escritu íntegramente na nuestra llingua y con un alcance y una periocidá qu'intenten ser competitives nun mercáu difícil y casique hexemónicu en castellanu.
Y en mediu d'entrambes les dos y sirviendo de ponte y xuntura ente xeneraciones y incluisive, ente visiones estremaes de la llingua y la lliteratura n'asturianu, siempre tuvo ehí l'Alitar Asturies. Y digo «siempre» porque, polo menos a min, cuéstame remembrar, cuándo «nun taba». Pero nada hai tan engañoso como la memoria, nada hai más manipulable o parcial que la historia reconstuyía a traviés de la memoria personal. Nel recuerdu conformamos de nueves el nuestru pasáu y damos-y nome al mundu que nos arrodia entemeciendo una bona dosis de deseyos y realidaes. Sí, la memoria ye caprichosa. Por eso, cuando quiero «facer memoria» de lo que foi pa min l'Alitar Asturies, nun pueo dexar de pensar qu´ ente tolos nomes posibles , l'Alitar Asturies ye pa min un nome y una realidá xuníos inevitablemente al del periodista Francisco Álvarez, Paco pa los amigos, Paco'l de EL COMERCIO, pa entendenos. Paco fixo que nos últimos años entráramos y nos comprometiéramos con esi proxectu un grupu de xente qu'hasta entós tuviéramos más o menos ayenos. Y fíxolo de la meyor de les maneres posibles: con ilusión, con conocimientu, con respetu y con intelixencia. Nun conozo a un periodista que curie tantu de los sos colaboradores como lo fixo Paco pa con nós. Y sobremanera, col so trabayu supo da-y esi aire nuevu al Alitar que los nuevos tiempos desixíen. Agora Paco ocúpase d'otres secciones y de xuro que lo fai cola profesionalidá y'l bon facer que lu caracteriza pero nun quería dexar de pasar esta ocasión festiva pa agradece-y reconoce-y la so constante aidanza, el so bon humor, la so comprensión y la so infinita capacidá pa tener siempre una solución énte cualquier imprevistu. Gracies, Paco.Y como decía ún de los protagonistes na 'Guerra de les galaxies': «Que la fuerza nos acompañe».
La segunda que destaca por pesu y méritu propiu ye'l periódicu selmanal 'Les Noticies'. Pensáu y cuayáu como un proxectu ambiciosu d'un grupo d'escritores de la segunda promoción del Surdimientu, 'Les Noticies' constitui, en realidá, nun sólo un apueste firme y decidíu pola prensa n'asturianu sinon también el primer proxectu empresarial que plantega un mediu de comunicación escritu íntegramente na nuestra llingua y con un alcance y una periocidá qu'intenten ser competitives nun mercáu difícil y casique hexemónicu en castellanu.
Y en mediu d'entrambes les dos y sirviendo de ponte y xuntura ente xeneraciones y incluisive, ente visiones estremaes de la llingua y la lliteratura n'asturianu, siempre tuvo ehí l'Alitar Asturies. Y digo «siempre» porque, polo menos a min, cuéstame remembrar, cuándo «nun taba». Pero nada hai tan engañoso como la memoria, nada hai más manipulable o parcial que la historia reconstuyía a traviés de la memoria personal. Nel recuerdu conformamos de nueves el nuestru pasáu y damos-y nome al mundu que nos arrodia entemeciendo una bona dosis de deseyos y realidaes. Sí, la memoria ye caprichosa. Por eso, cuando quiero «facer memoria» de lo que foi pa min l'Alitar Asturies, nun pueo dexar de pensar qu´ ente tolos nomes posibles , l'Alitar Asturies ye pa min un nome y una realidá xuníos inevitablemente al del periodista Francisco Álvarez, Paco pa los amigos, Paco'l de EL COMERCIO, pa entendenos. Paco fixo que nos últimos años entráramos y nos comprometiéramos con esi proxectu un grupu de xente qu'hasta entós tuviéramos más o menos ayenos. Y fíxolo de la meyor de les maneres posibles: con ilusión, con conocimientu, con respetu y con intelixencia. Nun conozo a un periodista que curie tantu de los sos colaboradores como lo fixo Paco pa con nós. Y sobremanera, col so trabayu supo da-y esi aire nuevu al Alitar que los nuevos tiempos desixíen. Agora Paco ocúpase d'otres secciones y de xuro que lo fai cola profesionalidá y'l bon facer que lu caracteriza pero nun quería dexar de pasar esta ocasión festiva pa agradece-y reconoce-y la so constante aidanza, el so bon humor, la so comprensión y la so infinita capacidá pa tener siempre una solución énte cualquier imprevistu. Gracies, Paco.Y como decía ún de los protagonistes na 'Guerra de les galaxies': «Que la fuerza nos acompañe».
