OPINIÓN ARTICULOS
¿Que vuelva la Diputación!
05.05.08 -
GASPAR MEANA
HAI gritos, frases y hasta glayíos qu'acaben en celebridá. Esti añu ocho conmemoramos el Mayu francés, y la guerra contra Napoleón, y les cruces de la Monarquía asturiana, y los cuatrocientos años de la Universidá d'Uviéu Del «¿Viva la nuestra Universidá!», gritáu nel tercer centenariu de la institución y qu'agora tanto-yos presta recordar a los universitarios de documental, y pasando per aquel «La imaxinación al poder», anónimu pintáu peles cais de París, podemos aportar, a poco que queramos y tengamos espíritu fundador, al «¿Que vuelva la Diputación!».
El cuadru que vamos pintando de la realidá asturiana, camín del veranu, vien a ser como'l diagnósticu d'un enfermu de párkinson. Ello ye, dificultá de movimientos, problemes pa realizar correchamente la función degluctora (a lo llano, males tragaderes), un caminar tatexante, como'l qu'escorre a pasiquinos la so mesma solombra, tremadera alternativa de miembros que s'apunten a la folixa ensin secuencia lóxica, etcétera. Tenemos un Gobiernu en minoría, va pa un añu, que nun tien presupuestos, una reforma estatutaria paralizada y una crisis económica apruciendo pela esquina. Tendríen que ser asuntos como pa que dalguién se punxera a trabayar, pero non, les coses caminen al pasu del tatás, como la rutina diaria d'un parkinsonianu que yá tien abondo con arrimase hasta'l bancu del parque, ser quien a tragar el pue de la comida y nun se desmanguiyar tou sentáu nel sillón delantre la tele. Nenguna d'estes tres coses esmolez de verdá a naide, porque mui pocos cuenten que tengamos, nosotros, los asturianos, capacidá nenguna pa camudar el nuestru porvenir.
Los presupuestos inactivos resulten, seis meses depués de prorrogaos los del añu pasáu, tan inútiles como los que se vienen aprobando otros exercicios. Y pa un rotu, un descosíu: la precariedá de la oposición parlamentaria (mesmo IU que'l PP anden a la quinta pregunta) permite al Gobiernu, mazcaritáu con esi amagüestu sindical-empresarial del ACEBA, allegar fondos pa la so xestión con un créeitu estraordinariu que tendrá continuación d'equí a poco. Del alderique estatutariu nun tenemos, de momentu, más ñación que l'ayalga dialéctica de la «intervención necesaria», anunciada pol heraldu-diputáu Lastra. Una triba de consigna-disculpa con un mecanismu retardatariu (¿qué palabra antigua tan del estilu de los nuestros gobernantes!) que permite nun facer nada anque faigamos que facemos lo que tendríemos que facer. La crisis-desaceleración-recesión nun va con Asturies. Primero, porque nun esistía; agora, porque ye poca; depués, porque tampoco nada nun podemos facer ensin presupuestos nin Estatutu de primera. Como nun disfrutamos de la bayura constructiva de la economía española (taba llegándonos un poquiñín agora col efectu de l'autovía del Cantábricu), piensen munchos que tampoco nun nos va llegar la crisis. Pa qué los desmentir, nun diben creer los argumentos
Asina que, nesti mayu de celebraciones, ye inútil tener presupuestos y Estatutu y trabayar contra la crisis económica; lo meyor ye que vuelva la Diputación. Sí, sí, aquella noble institución, que pervive en toles comunidaes con más d'una provincia, que gobernaba la vida política asturiana con orde y conciertu hasta que nació aquella otra consigna de «Llibertá, amnistía y Estatutu Autonomía'. Los beneficios de volver a gobernanos con Diputación son incontables: l'edificiu ye'l mesmu, nun fai falta nin mudanza; la mayoría de les obres qu'entama'l Gobiernu asturianu en pueblos y villes del país son heriedes, presupuestariamente, del «Plan d'obres y servicios» de la 'extinta', anque naide lo sepa, asina que quedamos a pre; la Diputación yá editaba llibros 'en bable', y diba poder siguir faciéndolo; como Asturies la gobiernen los alcaldes, qué meyor que nos gobierne una cámara de conceyales que voten lo que-yos diga'l so xefe políticu, ensin más teatru; col sistema vieyu (agora nuevu) nun díbemos tener qu'aguantar a un presidente xestor de clusters y sinerxes lúdico-tecnolóxiques y la so corte de conseyeros y directores xenerales; acabaríase l'apolmonante asuntu del Estatutu, la nación-rexón-país-comunidá histórica volvería a provincia y santes Pascues; visto que la nuestra balanza fiscal tien que ser como pa nun la enseñar, meyor enfotanos en ministros asturianos, o secretarios d'Estáu asturianos (o meyor, ministros y secretarios veraneantes n'Asturies, anque seyan almerienses), pa que nun escose'l cañu del nuestru maná. ¿Quieren más? ¿Dalguién puede citar una torga namás a la vuelta de la Diputación teniendo, frente por frente, tantos beneficios? Voi ver si'l 25 de mayu, bicentenariu del arranque patrióticu al tiempu que boquiada de morribunda de la Xunta Xeneral, de nueche dalgún amigu inconsciente s'atreve a clavar na puerta del Parlamentu estes amonestaciones. A ver quién retruca contra la vuelta de la Diputación.
El cuadru que vamos pintando de la realidá asturiana, camín del veranu, vien a ser como'l diagnósticu d'un enfermu de párkinson. Ello ye, dificultá de movimientos, problemes pa realizar correchamente la función degluctora (a lo llano, males tragaderes), un caminar tatexante, como'l qu'escorre a pasiquinos la so mesma solombra, tremadera alternativa de miembros que s'apunten a la folixa ensin secuencia lóxica, etcétera. Tenemos un Gobiernu en minoría, va pa un añu, que nun tien presupuestos, una reforma estatutaria paralizada y una crisis económica apruciendo pela esquina. Tendríen que ser asuntos como pa que dalguién se punxera a trabayar, pero non, les coses caminen al pasu del tatás, como la rutina diaria d'un parkinsonianu que yá tien abondo con arrimase hasta'l bancu del parque, ser quien a tragar el pue de la comida y nun se desmanguiyar tou sentáu nel sillón delantre la tele. Nenguna d'estes tres coses esmolez de verdá a naide, porque mui pocos cuenten que tengamos, nosotros, los asturianos, capacidá nenguna pa camudar el nuestru porvenir.
Los presupuestos inactivos resulten, seis meses depués de prorrogaos los del añu pasáu, tan inútiles como los que se vienen aprobando otros exercicios. Y pa un rotu, un descosíu: la precariedá de la oposición parlamentaria (mesmo IU que'l PP anden a la quinta pregunta) permite al Gobiernu, mazcaritáu con esi amagüestu sindical-empresarial del ACEBA, allegar fondos pa la so xestión con un créeitu estraordinariu que tendrá continuación d'equí a poco. Del alderique estatutariu nun tenemos, de momentu, más ñación que l'ayalga dialéctica de la «intervención necesaria», anunciada pol heraldu-diputáu Lastra. Una triba de consigna-disculpa con un mecanismu retardatariu (¿qué palabra antigua tan del estilu de los nuestros gobernantes!) que permite nun facer nada anque faigamos que facemos lo que tendríemos que facer. La crisis-desaceleración-recesión nun va con Asturies. Primero, porque nun esistía; agora, porque ye poca; depués, porque tampoco nada nun podemos facer ensin presupuestos nin Estatutu de primera. Como nun disfrutamos de la bayura constructiva de la economía española (taba llegándonos un poquiñín agora col efectu de l'autovía del Cantábricu), piensen munchos que tampoco nun nos va llegar la crisis. Pa qué los desmentir, nun diben creer los argumentos
Asina que, nesti mayu de celebraciones, ye inútil tener presupuestos y Estatutu y trabayar contra la crisis económica; lo meyor ye que vuelva la Diputación. Sí, sí, aquella noble institución, que pervive en toles comunidaes con más d'una provincia, que gobernaba la vida política asturiana con orde y conciertu hasta que nació aquella otra consigna de «Llibertá, amnistía y Estatutu Autonomía'. Los beneficios de volver a gobernanos con Diputación son incontables: l'edificiu ye'l mesmu, nun fai falta nin mudanza; la mayoría de les obres qu'entama'l Gobiernu asturianu en pueblos y villes del país son heriedes, presupuestariamente, del «Plan d'obres y servicios» de la 'extinta', anque naide lo sepa, asina que quedamos a pre; la Diputación yá editaba llibros 'en bable', y diba poder siguir faciéndolo; como Asturies la gobiernen los alcaldes, qué meyor que nos gobierne una cámara de conceyales que voten lo que-yos diga'l so xefe políticu, ensin más teatru; col sistema vieyu (agora nuevu) nun díbemos tener qu'aguantar a un presidente xestor de clusters y sinerxes lúdico-tecnolóxiques y la so corte de conseyeros y directores xenerales; acabaríase l'apolmonante asuntu del Estatutu, la nación-rexón-país-comunidá histórica volvería a provincia y santes Pascues; visto que la nuestra balanza fiscal tien que ser como pa nun la enseñar, meyor enfotanos en ministros asturianos, o secretarios d'Estáu asturianos (o meyor, ministros y secretarios veraneantes n'Asturies, anque seyan almerienses), pa que nun escose'l cañu del nuestru maná. ¿Quieren más? ¿Dalguién puede citar una torga namás a la vuelta de la Diputación teniendo, frente por frente, tantos beneficios? Voi ver si'l 25 de mayu, bicentenariu del arranque patrióticu al tiempu que boquiada de morribunda de la Xunta Xeneral, de nueche dalgún amigu inconsciente s'atreve a clavar na puerta del Parlamentu estes amonestaciones. A ver quién retruca contra la vuelta de la Diputación.
