Secciones
Servicios
Destacamos
XOSÉ LLUÍS CAMPAL FERNÁNDEZ
Martes, 14 de octubre 2008, 05:24
Necesitas ser suscriptor para acceder a esta funcionalidad.
Compartir
Paquito Candil, ye dicir Eloy Fernández Caravera (barriu La Texera, Avilés, 13 de xunetu de 1887-9 de marzu de 1983), foi un escritor que xuncióse, no profesional, al mercáu textil (heredó la firma Los Telares, que fundare'l so pá) y, no creativo, a les aficiones teatrales ('Telva', 'El gallo de la quintana', 'Rosina', 'L'abeyón', 'El burru del tío Bernaldo', 'Después de vieyos, gaiteros', 'Xuaca la texedora', 'El chigre de Generosa', 'La sugestión de Celedonio', 'El trasgo', 'Lo que el diaño se llevó', 'En la paz de la aldea', eicetra), anque tamién dexó dos noveles ('Mayita' y 'La forastera'), qu'asoleyó por entregues na prensa local, la mesma na que diose a conocer en 1908 col cuentu 'Los pajaritos sabios'.
En 'La llindadora', qu'acoyó nel númberu del domingu 17 d'agostu de 1913 LA VOZ DE AVILÉS y qu'anguaño ufierto, l'autor ensaya un cuplé asturianu de tema picardiosu y enfotu hedonista. Son siete estrofes de doce versos nes qu'una, qu'abre y zarra la composición, actúa como vertebradora del pensamientu qu'un versificador masculín atribúi a una rapaza daqué descocada y que cunta la so esperiencia en primer persona; esta tirada intercálase na narración d'un alcuentru sesual detalláu con elipsis que busca la complicidá del receutor:
Soy la moza de aldea,
soy aldeana,
sigún dicen, soy boba,
que no sé nada...
Medio fata
sí seré,
pero mialma,
yo bien sé
lo que tien en este mundo
que facer
pa ser feliz, muy feliz
la muyer.
Asina que'l sol asoma
gayaspero
po'l pinal,
con la vara bien terciada
tras les vaques
voy llindar...
Y los mozos que lo saben
a mí vienen
sin tardar,
y en mios brazos tienen todos
lo que busquen
y algo más...
Soy la moza de aldea,
soy aldeana,
sigún dicen, soy boba,
que no sé nada...
Medio fata
sí seré,
pero mialma,
yo bien sé
lo que tien en este mundo
que facer
pa ser feliz, muy feliz
la muyer.
L'otro día pe la tarde
aquí veno
un galán;
y xuntinos, muy xuntinos,
entamamos
a falar...
Él falaba: Yo t'adoro
po lo bona
que tu tas.
Y yo, toda vergonzosa,
contestaba:
¿Nada más?
Soy la moza de aldea,
soy aldeana,
sigún dicen, soy boba,
que no sé nada...
Medio fata
sí seré,
pero mialma,
yo bien sé
lo que tien en este mundo
que facer
pa ser feliz, muy feliz
la muyer.
Y más tarde, ya de noche,
non falaba
mio rapaz;
yo sentada, muy quietina,
a so vera
sin chistar...
Él reyía, yo reyía,
y riyendo
a la par...
-¿Qué más? -diréis vusotros
¿non?-, pos nada,
nada más.
Soy la moza de aldea,
soy aldeana,
sigún dicen, soy boba,
que no sé nada...
Medio fata
sí seré,
pero mialma,
yo bien sé
lo que tien en este mundo
que facer
pa ser feliz, muy feliz
la muyer.
Publicidad
Publicidad
Te puede interesar
La hora que separó a una madre y su hijo de morir juntos en Palencia
El Norte de Castilla
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.