Siete conceyos de Lleón van ufiertar la posibilidá d'estudiar la variante llingüística asturlleonesa gracies a un conveniu que soscribieron la Diputación de Lleón y l'Asociación Cultural 'El Fueyu'. El conveniu espeya, amás de cursos, la edición d'obres lliteraries en lleonés y la celebración institucional del Día de la Llingua, que yá se llevó alantre esti añu na Casa Conceyu de Lleón.

L'asturlleonés, lo mesmo que l'asturianu, nun tien estatus de llingua oficial nel so territoriu.

Obra de Cienfuegos y Rico

L'Academia de la Llingua Asturiana espubliza 'Rimas en astur-leonés (1928)', del escritor Casimiro Cienfuegos y Rico, dientro de la coleición Cartafueyos de Lliteratura Escaecida. Los siete poemes incluyíos tán fechos a imitación del Padre Galo, (1884-1939), como se pue ver na ortografía, na métrica, nos temes y na ortografía. Al parecer, los poemas corrixólos Fernán Coronas, quien nuna carta en versu remitida a Cienfuegos lu animaba a escribir d'esta miente: «L'outru día en llionés / dixiste cousas de preciu, / muitu bien emprincipiaras / a usar el falaxe nuesu. / Y agora tás repentíu / de esquibrire así, en brañeiru. / A mi que me puxe la gloria/ En ser vaqueirín d'afeitu».