La Xunta Moza, estaya de mocedá de la Xunta pola Defensa de la Llingua Asturiana, presenta Acampallingua, un campamentu de branu con actividaes alredor del asturianu que la organización propón como una ufierta pa enllenar el vaciu qu'hai na ufierta d'actividaes d'ociu pa la mocedá.

La primer edición de Acampallingua va llevase alantre ente los díes 7 y 12 d'agostu en Villaverde (Villaviciosa), y ta abierta a la participación de mozos y moces de más de catorce años. La organización del eventu y de toles actividaes conplementaries va tar al cargu de monitores titulaos n'actividaes de tiempu llibre.

El costu del campamentu ye de 120 euros por participante, con descuentos en casu de dir dos o más hermanos, y inclúi tolos gastos, dende'l desplazamientu a la comida xunto col agospiu en tienda de campaña y demás actividaes.

P'apuntase hai que dirixise a la Xunta pola Defensa de la Llingua: www.exunta.org.